Добивај вести на Viber
Ако склучите договор со мобилниот оператор, тогаш наместо во ќеш или со картичка, за купените производи ќе може да платите и преку телефонската сметка. Сепак треба да се внимава, сметката не смее да биде повисока од 1000 денари еднократно, ниту пак да ја надмине сумата од 6000 денари на месечно ниво.
Овие законски измени треба да се воведат од крајот на оваа година, со што на македонските граѓани им се дозволува да плаќаат преку користење на мобилен телефон, интерент или кабелскиот провајдер. Како што денеска објави вицепремиерот и министер за финансии Зоран Ставрески, со измените на Законот за платен промет се овозможува мобилните опрератори во договор со субјектите каде што ќе се вршат услугите да постават терминали и со приложување на мобилниот телефон на тие терминали, на ист начин како со кредитна картичка.Тој појасни дека плакањето ќе се врши така што се активира сметката на мобилниот телефон со внесување на пинот за плаќање на сметката, за на крајот на месецот трошокот да биде пресметан во фактурата од мобилниот оператор. Истото ќе може да се направи и преку сметките за кабелските и интернет провајдерите.
Секој од нас, рече министерот, некогаш се нашол во ситуација кога се наоѓа на некое место, да речам во некој ресторан во ситуација кога сте заборавиле паричник, или немате со вас кредитна картичка и нема начин како да се плати сметката.
Сепак, за да се користи оваа можност, корисникот треба да склучи договор со операторот. Од друга страна пак, сите оператори кои ќе сакаат да ја понудат ваквата услуга, претходно ќе треба да добијат одобрение од Народна банка преку исполнување одредени капитални и технички услови.
Според Ставревски, ваквите договори се неопходни од причина што сакаат исто така да се сигурни дека платниот промет се извршува сигурно и дека нема да има злоупотреби, технички и други проблеми.