22 Април, 2019
0.0267

Како да се одвикнете од цигарите во Македонија, интервју со д-р Симоновска

Објавено во: Македонија 31 Мај, 2017

Речиси половина од населението на Република Македонија е зависно од цигари, но иако нема точни бројки се претпоставува дека годишно од пушењeто и настанатите болести животот го губат околу 20.000 луѓе. Лоши статистики има и за најмладите кои рано стануваат пушачи, а како најмала регистрирана возраст на пушач во Македонија е 10 години. Добро е што се бележи тренд на намалување на бројот на пушачи кај тинејџерите меѓу 13 и 15 години, но затоа во подоцнежна фаза се зголемува бројот на активни пушачи. За можностите за одвикнување и справување со оваа негативна појава разговаравме со доктор Валентина Симоновска од Центарот за јавно здравје во Скопје каде се водат програми за одвикнување од цигари.

Фактор: Каква е стратегијата на државните здравствени институции за помош на пушачите при откажување од цигарите?

Д-р Симоновска: Стартегијата на државните институции за помош на пушачите при откажување од цигарите е изградба на поширока  функционална мрежа на стручни лица во повеќе институции кои ќе работат на овој проблем.

Фактор: Цените на цигарите постојани се зголемуваат, се водеа и јавни кампањи за штетните ефекти од пушењето. Постои јасна определба да се намали бројот на пушачи во Република Македонија, но постојат ли лесно достапни советувалишта и програми за одвикнување?

Д-р Симоновска: Да, постојат лесно достапни, бесплатни и анонимни советувалишта во 10 центри за јавно здравје во РМ и советување на болни лекувани лица - пушачи во две болнички установи.

Фактор: Се применуваат ли нови техники или програми за одвикнување во здравствените центри?

Д-р Симоновска: Во тек се обуки и лиценцирање на стручни лица кои ќе работат со современи методи прменливи во веќе познати светски центри.

Фактор: Една од најпроблематичните категории на пушачи се малолетниците кои и покрај законските ограничувања стигнуваат до цигари. Може ли да очекуваме специјализирани програми за одвикнување кај малолетници?

Д-р Симоновска: За малолетниците како вулнерабилна категорија на население постојат специјлизирани едукативни предавања адаптирани за нивна возраст кои се спроведуваат во училиштата.

Фактор: Колку чини една целосна програма за одвикнување од цигари?

Д-р Симоновска: Програмата за одвикнување од пушење во центрите за јавно здравје е бесплатна.

Фактор: Дали сеуште се води кампања за намалување на бројот на пушачи меѓу здравствените работници кои најверојатно треба први да послужат како пример?

Д-р Симоновска: На почетокот при отварањето на советувалиштата здравствените работници беа таргетна популациона група, но искрено нивниот одзив беше слаб и сигнификантно не е значаен за да може да послужи како пример.

Автор: Христијан Станоевиќ

Можеби ќе ве интересира

И Охриѓани ќе гласаат во втор круг за градоначалник

И Охриѓани ќе гласаат во втор круг за градоначалник

Колку треба да гласаат за успешни избори и што ако нема цензус?

Колку треба да гласаат за успешни избори и што ако нема цензус?

Јонуз: Во вториот круг ќе има комбинации кои ќе им го „загорчат животот“ на СДСМ и ДУИ

Јонуз: Во вториот круг ќе има комбинации кои ќе им го „загорчат животот“ на СДСМ и ДУИ

Типична пролетна временска прогноза: Сонце но и облаци за оваа работна недела

Типична пролетна временска прогноза: Сонце но и облаци за оваа работна недела

Зекири: Време е за пензионирање и одговорност

Зекири: Време е за пензионирање и одговорност

РЕЗУЛТАТИ: Кај кого отиде благата предност?

РЕЗУЛТАТИ: Кај кого отиде благата предност?

Груби: Давкова да не се надева на гласовите на Река

Груби: Давкова да не се надева на гласовите на Река

ФОТОГАЛЕРИЈА: Какво беше расположението кај таборот на Пендаровски

ФОТОГАЛЕРИЈА: Какво беше расположението кај таборот на Пендаровски

Заев прогласи победа за Пендаровски

Заев прогласи победа за Пендаровски