Како да заштедите и да се извлечете од долгови?

Добивај вести на Viber

Денеска веројатно и да не постои човек без кредит, но некогаш долговите сериозно знаат да натежнат, па морате да го барате излезот во штедењето и промена на начинот на кој трошите. Тој процес воопшто не е едноставен, но еве неколку совети кои би можеле да ви помогнат при тоа. 1. Постои излез При самата помисла дека веќе тонете, ве бараат од банка или ви тропне извршител на врата, сигурно ве фаќа паника. Но, морате да разберете, во ваква ситуација морате да бидете трпеливи и да го издржите периодот. Долговите не настануваат преку ноќ, па ни нивното враќање не може да трае преку ноќ. Потребно е време. 2. Знајте кому и колку должите Сфатете ја работата сериозно и соочете се со проблемот. Океј, должни сте. Направете математика колку и кому должите и направете план. Ништо не сте направиле ако само се нервирате, морате да седнете и да го најдете секој можен начин за излез од ситуацијата. 3. Направете сметка Колку приходи ви доаѓаат дома, од кои извори, на што најмногу трошите? Морате да го сторите ова за да знаете каде да го стегнете ременот. И секогаш прво подмирувајте го она што има приоритет. Ако не ви стигаат средствата, ќе мора да побарате помош или да скратите од она што го користите. 4. Планирајте ги расходите Не трошете ништо без план. Сметки, храна, превоз за до работа, тоа ви се најосновните работи за во секојдневието. Најдобро ќе биде да ги чувате сметките од она што го купувате за да видите колку и на што трошите месечно. Некогаш лажејќи се на ситници, трошиме многу иако мислиме дека е малку. 5. Читајте го договорот Секогаш кога земате кредит гледајте добро да го прочитате она што го пишува во него, колкава е каматата, кои се условите. Бидејќи не сме сите експерти на тоа поле, ако треба најдете некој да ви објасни на што се нафаќате. 6. Плаќајте во готово Плаќањето со картичка е најлошата работа која си ја правиме, особено ако имате право да одите во минус, бидејќи и немате осет колку трошиме. Затоа гледајте да плаќате во готовина и секако одбегнувајте да купувате работи на отплата на рати. 7. Научете да штедите Поделете го трошокот за пат до работа, штедете електрична енергија, користете го интернетот за комуникација, наместо мобилниот. Можеби ви звучи смешно, но на вакви ситници најчесто најмногу трошиме.