Како до специјализирани и вешти кадри кои носат вистински резултати во бизнисот?

Добивај вести на Viber

Во услови на значајни промени во интернационални, но и локални рамки, бизнисите се соочуваат со предизвик поврзан со недостаток на квалитетни и тесно специјализирани кадри без разлика на процентот на невработеност во земјата. Сопствениците на капиталот на компаниите, најчесто го поврзуваат овој проблем со временскиот јаз помеѓу застарената студирана материја на факултетите и галопирачките промени на реалниот бизнис. Детектираниот предизвик не е типичен само за светските компании, туку и за македонските брзорастечки компании кои главно своите производи и услуги ги пласираат во странство. Недостатокот на квалификувани кадри кои се интелектуално и професионално подготвени за бизнис предизвици во голем дел компаниите го надоместуваат преку интерни обуки и доквалификации, што пак за нив претставува дополнителна инвестиција но и потрошено време и енергија. Во голем број светски компании дури се отворени и интерни академии и едукативни центри, како би можеле преку неформалното и тесно специјализирано образование да ги креираат кадрите кои им се потребни. По терк на светски реномираните брендови, најголемата ИТ компанија во Македонија и регионот, Seavus, пред 3 години го основа Seavus едукативниот и развоен центар (СЕДЦ) за да одговори на растечката потреба на пазарот за континуирана доедукација и оспособување на клучните кадри како за своите така и за потребите на другите компании од Македонија и регионот. -Академијата располага со современи и напредни бизнис и ИТ курсеви со кои се унапредуваат вештините на јуниорите, но и на сениорите од овие области,, , вели Ирена Чаушевска, директор на СЕДЦ. -Она што го прави привлечно неформалното образование е фактот дека ваквиот вид на образование е флексибилно, се реализира најчесто во попладневните часови, и го посетуваат професионалци од различни профили по самостојна одлука или со финансиска поддршка од матична компанија, во помали групи, што овозможува постигнување на значајни резултати за релативно краток временски период . Фактот што програмите се организирани на различни нивоа возраста и претходното искуство не се пречка за посета на истите,, - додава Чаушевска. Во SEDC во текот на целата година се организираат обуки од областа на ИТ технологиите, како и бизнис курсеви. Во рамки на центарот функционираат и Академија за дизајн со три насоки: Графички дизајн, Веб дизајн и 3Д моделирање и Академија за програмирање со програмата Веб програмирање, со интензивни практични елементи. -На слушателите им се овозможува движење по еден вид „брза лента“ од моментот на завршување на програмата кај нас до нивно вработување и тоа на соодветно работно место во добра компанија,  или пак унапредување на повисоки работни позиции доколку станува збор за веќе вработени учесници. Специфично е и тоа што за успешните студенти на целогодишните програми овозможуваме и поддршка и менторство за започнување со сопствена компанија во рамки на нашите простории. Во 2012 година можеме да се пофалиме со над 70 успешни приказни каде што имаме целосно заокружен процес и тоа од тестирање на заинтересираните кандидати, преку едукација и тренинг, до практична работа и можност за вработување, вели Чаушевска. Значењето на образованието останува клучно во градењето на професионалци, но интернационализацијата и напредните технологии го менуваат начинот и формата на учење. На сцена се бизнис и ИТ академии чии програми се базирани на најновите трендови и проекции и се компилација од теорија, практични вежби и проекти и т.н. меки вештини.