Како до заштеда на гориво од 50 отсто?

Добивај вести на Viber

Јовица Пешиќ од Пирот, Србија измислил уред кој овозможува заштеда на гориво во моторите со внатрешно согорување дури и до 50%. Покрај тоа, според Пешиќ неговиот изум ја намалува емисијата на штетни гасови како што е јаглен – моноксидот речиси за три пати во однос на класичните современи мотори. Според изјавата на Пешиќ за Танјуг, на кого ова не му е прв пронајдок, уредот поминал низа испитувања на машинскиот факултет во Ниш, а резултатите се навистина охрабрувачки поради што тој очекува наскоро и сериско производство на неговиот изум. " Интересно е тоа што резултатите на овој уред се подобри кај старите мотори, кои најмногу и се возат на нашите подрачја. Со вградувањето на уредот на стар трактор од 'IMT' успеав да оставарам заштеда на гориво од преку 50% што е навистина извонреден резултат", вели Пешиќ. "Реакторот се вградува во издувниот систем на моторот. Составен дел е и сад во кој се налева дестилирана вода која е неопходна за работата на реакторот, а се вградува и систем од термички отпорни црева и специјален вшмукувач кој се монтира на вшмукувачката грана на автомобилот.", вели тој и додава дека резултатите се исто така импресивни кога станува збор за емисијата на штетни гасови. "За време на работата на моторот мора да имате гасови кои се запаливи, а не се кроистат за добивање на енергија потребна за моторот. Овој уред помага и тие гасови да бидат спалени во самиот цилиндар на моторот така што на ауспухот речиси и да не се познава чад. За време на испитувањето на машинскиот факултет во Ниш емисијата на јаглерод- моноксид во моторот во кој е уграден реактор од 9 проценти е намалена речиси три пати и изнесува само 3,14 ", објаснува Пешиќ, кој има завршено Електрнотехничко училиште во Ниш и студирал на Електротехничкиот факултет во Ниш. Неговиот сосед Зоран Јовановиќ пред три месеци го инсталирал реакторот во својот автомобил. "Првата работа која ја забележав е зголемената снага на автомобилот. Потрошувачката при користење во градски услови во Белград,  каде што работам изнесува околу 6,3 литри на 100 километри, а мојот автомобил е со дизел мотор со 1.900 кубика", вели Јовановиќ. К.К.