Како една мајка создаде мултимилионски бизнис со 500 долари?

Добивај вести на Viber

Како извршен директор на мултимилионска компанија за дизајн на накит и активен филантроп, работата на Кендра Скот, никогаш не запира. Ако човек сепак ја запраша оваа зафатена жена како би се опишала , таа не се двоуми да каже : " Прво јас сум мајка" , пишува CNBC . „Создадов компанијата која ми овозможи да бидам мајка и тоа беше мојот најголем приоритет уште од првиот ден", вели Скот. Како основач и претседател на Kendra Scott Design таа е една успешна „мајка претприемач". "Тоа е нов термин кој ги опишува жените кои владеат со сопствени компании, додека во исто време се грижат сами за децата," наведува Investopedia. А Скот е една од милионите такви жени. Во САД има околу 7,8 милиони компании кои се во сопственост на жени, а економскиот ефект , кој го создаваат жените претприемачи е близу 3 трилиони долари. За Скот, балансирањето на тоа да е мајка на две момчиња и да раководи со компанијата, има свои предизвици. Баласирането сепак и дозволува да биде најдобра мајка, додека во исто време го прави она што сака - накит. Идејата на Скот за Kendra Scott Design се раѓа пред околу една деценија, додека релаксирачки во кревет, за време на бременоста со првиот нејзин син , таа почнува да се занимава со скапоцени камења и да прави накит. Тогаш и доаѓа на памет една храбра идеја, да создаде сопствена колекција . „Навистина почувствував дека на пазарот на накит има бела дамка . Имаше многу , многу преценети работи кои не можев да си ги дозволам или пак беа многу евтини , кои се распаѓаат откако ќе ги купиш ", вели Скот . Скот е обожавател на модата одамна и кога имала 19 години, основајќи сопствена компанија, The Hat Box. По пет години, предизвиците на бизнисот се докажуваат премногу големи за неа и компанијата , за на крајот да банкротира. Скот решава да се обиде повторно во 2002 година, но овој пат со накит. Во тоа време таа го родила првото дете, а сопругот бил без работа. Сепак, Скот повлекла 500 долари од банкарската сметка , за да купи скапоцени камења и да почне да прави сопствени накит. Таа се потпира на себе и ја создава компанијата Kendra Scott Design , работејќи во слободната спална соба во својот дом во Остин, Тексас . „Не можам да ви кажам колку пати го добивав одговорот " не " . Не можам да ви кажам колку луѓе ми велеа - "Никогаш нема да успееш. На пазарот постојат толку многу дизајнери на накит ", вели Скот. Таа прво успева да ги убеди локалните продавници да го продаваат нејзиниот накит. По многу години, таа конечно се здобива со инерција и почнува да го привлекува вниманието на големите стоковни куќи како Neiman Marcus , Nordstrom и Bloomingdale's . Денес нејзиниот накит се продава во повеќе од 1 000 бутици во целиот свет. Ѕвезди како Камерон Дијаз , Ева Лонгорија и Софија Вергара носеле нејзин накит. Самата Скот има седум бутикци во САД , а нејзината мала компанија веќе има 125 вработени.   А.А.