Како компанија со еден вработен може да има 1 милион долари продажба?

Добивај вести на Viber

На 27 години, Џои Хили генерира повеќе од 1 милион долари приходи годишно од студиото за обликување на веѓите The Joey Healy Eyebrow Studio во Њујорк, како и од поврзаната компанија која произведува и продава производи како шминка за веѓи. Хили, кој работи со голем број на познати клиенти како актерката Кира Сеџуик и со големи модни списанија, во изјава за CNBC вели дека не го создал бизнисот за еден ден. Во 2009 година тој почна да ги посетува богатите клиенти во Менхетен во нивните станови, за да им ги оформува веѓите. Со зголемување на побарувачката, тој отвора сопствено студио и почнува да наплаќа по 115 долари за обликување на веѓите, а наскоро потоа склучува договор за поделба на профитот со компанијата Completely Bare, која располага со четири спа центри во Њу Јорк и обучува стилисти таму за да ја користат неговата методологија. Хили е дел од елитната група претприемачи кои откриваат дека е можно една компанија да започне да генерира 1 милион долари приходи годишно без да има постојани вработени на полно работно време. Според официјалните податоци, во 2011 година во САД имало 28 835 компании, во кои работат само нивните сопственици, во чии извештаи е наведено дека имаат над 1 милион долари приходи. Хили кој има закажани часови за пет недели однапред, сфаќа брзо дека нема потреба од луксузен салон на улично ниво, бидејќи тој не прифаќа повремени клиенти. Наместо тоа, тој раководи со студио на Менхетн на седмиот кат од една зграда.   А.А.