КАКО ЕКС ЗАМЕНИК ГРАДОНАЧАЛНИЧКАТА ОД СДСМ ПОБЕДИ МЛАД ИНФОРМАТИЧАР ЗА ВРАБОТУВАЊЕ ВО АЕК И ДОБИ ПЛАТА ОД 55 ИЛЈАДИ - Милошоски отвора дилема

Добивај вести на Viber

Пратеникот од ВМРО-ДПМНЕ Антонио Милошоски обвинува за, како што вели, клиентелизам при вработување во Агенцијата за електронски комуникации, нагласувајќи дека поранешната заменик градоначалникча од СДСМ добила престижно вработување во АЕК, иако имала послаба конкурентност од нејзиниот против кандидат.

Еве ги дилемите што ги поставува Милошоски на неговиот пост на фејсбук.

„Честитки за госпоѓа Емилија Костурски, член на ЦО на СДСМ од Битола, за новото вработување во АЕК, за нето плата од 55.000 денари. Можеби како наставничка на возраст од 56 години не била задоволна од платата во медицинското училиште, или можеби директорот на АЕК (Јетон Акику, ДУИ) проценил дека Емилија Костурски е најдобриот стручњак во Битола без кој институцијата нема да може да напредува.

Интересно е што на августовскиот оглас во АЕК конкурирале г-а Костурски (завршен електро факултет) и еден помлад 35 годишен човек со завршен информатички факултет. Но, иако во огласот се бара соработник за информатички технолигии, сепак АЕК ја избира Емилија Костурски, што остава сомнеж дека конкурсот е наместен. Интересно е што на интервјуто во Агенцијата за администрација информатичарот добива 35 поени, а госпоѓата од СДСМ ги добива сите 40 поени, ни поен помалку од максимумот. Браво. Изгледа дека госпоѓа Костурски навистина е талент по информатички технолигии, само хејтерите би рекле дека огласот во АЕК е наместен за неа, а тоа што таа беше советничка и заменик градоначалник на Битола од СДСМ веројатно е чиста случајност.

Сепак, решението на АЕК е обжалено и во следниот период останува да се види дали 35 годишниот дипломиран информатичар ќе успее да докаже дека неговата стручност е побитна од клиентелизмот на госпоѓата Костурски?“, пишува Милошоски на својот фејсбук профил.

Во прилог тој објавува и фотографија од огласот.