КАКВИ БАРАЊА ЌЕ СТИГНАТ ОД АЛБАНСКИТЕ ПАРТИИ: Во преговори за нова Влада албанскиот блок со заеднички став!
Објавено во: Македонија 30 Декември, 2016
Лидерот на ДУИ Али Ахмети пред почетокот на конститутивната седница на Собранието на која беа верификувани мандатите на новите пратеници рече дека партиите на Албанците ќе настапат со единствени барања во преговорите за новата Влада.
Ахмети откри дека политичките партии на Албанците со освоени мандати на последните предвремени парламентарни избори на 11-ти декември ќе усвојат документ што ќе ги содржи потребите на Албанците во Македонија
Како што информираше Али Ахмети, за содржината на најавениот документ било разговарано во четвртокот на средбата што лидерите на ДУИ, Движењето БЕСА и Алијансата на Албанците ја имале во Тирана со албанскиот претседател Еди Рама, што е нивна втора средба во овој формат.
Таквиот документ не претставувал „црвена линија, ниту, пак, неговата содржина се услови за разговори за формирање на новата влада“ дополни Ахмети. Рече дека станува збор за „основни начела и реални потреби на Албанците во Македонија.“