Какви проекти најави Илија Димовски во Штип?

Добивај вести на Viber

Носителот на кандидатската листа на ВМРО-ДПМНЕ во ИЕ 3, Илија Димовски денеска изјави дека на граѓаните на Штип им е совршено јасно дека во Штип се создава и се гради единствено кога ВМРО-ДПМНЕ е на власт. 

Вели дека кога СДСМ е на власт, во Штип ниту се гради, ниту се создава. Тој најави повеќе проекти кои ќе се реализираат во градот. 

„Штип е регионален центар за источна Македонија и ќе продолжат со реализација крупните инфраструктурни проекти, ќе се заврши изградбата на автопатот од Скопје до Штип, што за 40 километри ќе го доближи Штип до Скопје. Ќе започне многу скоро и завршени се документите околу изградбата на експресните патишта Штип-Кочани и Штип-Радовиш. Ќе продолжи со изградба Клиничката болница која од здравствен аспект ќе му даде на градот регионален карактер, но и ќе набават преку 250 нови медицински апарати“ - кажа Димовски.

Објасни дека гасоводот во Штип веќе е изграден, а Владата ги реализира постапките за изградба на секундарна мрежа.

Димовски вели дека Штип ќе биде и првиот град во Македонија кој ќе добие секундарна гасоводна мрежа. Рече дека ќе продолжи целосната поддршка на државата за универзитетот „Гоце Делчев“ кој денес е еден од подобрите универзитети на кој студираат над 15.000 студенти.