Какви се прогнозите за Вол Стрит оваа седмица?

Добивај вести на Viber

По две седмици пад на акциите, на Вол Стрит неделава пооптимистички прогнози. За оваа седмица се прогнозира благ раст на цените на акциите бидејќи очекувањата на вложувачите поврзани со макроекономските податоци од најголемите светски економии oстануваат слаби, па секое позитивно изненадување ќе го придвижи растот на пазарите. Индексот Дон Џонс, минатата седница падна за 1,1 %, на 13.437 бода, додека S&P 500 за се намали 1,3% на 1.440 бода, a Nasdaq индексот 2 %, на 3.116 бодови.Во третиот квартал S&P 500 индексот порасна 5,%, a врвот го достигна во средината на септември. Сепак,  поради слабеењето на најголемите светски економии, како и претпазливоста на компаниите поради влошувањето на условите за работа и неизвесноста од шпанската криза, акциите забележаа пад две недели по ред. Оваа седмица многу податоци ќе влијаат на берзите. Денеска ќе биде објавено известувањето за ПМИ индексот за Кина, кој ќе покаже дали и понатаму слабее индустријата во оваа држава. Американскиот институт за менаџери треба да ги објави податоците за индустриската активност на САД, а до среда и за услужните дејности. Се очекува благ пад и во двата сектора. На пазарите дополнително ќе влијаат и податоците за невработеноста во САД, кои треба да се објават до петок. Се проценува дека во септември стапката на невработеност можно е да порасне од 8,1 на 8,2%. И шпанската криза останува актуелна. Минатонеделните протести против мерките за штедење ги поттикнаа приносите на шпанските обврници што негативно влијаеше на пазарите. За четврток, закажана е седницата на членовите на Европската и Британската централна банка, а од ЕЦБ се очекуваат нови детали за програмата за купување државни обврзници на државите од еврозоната.