09 Декември, 2019
0.0158

Какви трансфери и унапредувања има во Државниот завод за ревизија додека институцијата е обезглавена

Објавено во: Економија 18 Декември, 2018


Тројца луѓе, од кои двајца од Секретаријатот за спроведување на рамковен договор и еден од општина Чаир презел Државниот завод за ревизија во текот на минатата година. Со оваа институција сите овие 12 месеци раководи Заменикот главен државен ревизор Насер Адеми затоа што Собранието и покрај тоа што објави оглас, цела година не успаа да избере нов Главен државен ревизор. Дел од трансферите на вработени, според извори на Фактор, се направени по измени на Правилникот за систематизација, а заменикот според законот немал право да врши измена на Актот на систематизација и организација на ДЗР. 

Од Државниот завод за ревизија одговорија на прашањата на Фактор и потврдуваат дека имало трансфери. Велат дека тоа било согласно потребите на институцијата и по барање и по усогласувањето со Министерството за информатичко општество и администрација, за што имало согласност и од Министерството за финансии за обезбедени финансиски средства.

„Притоа, правилникот не е променет во делот на организациската поставеност и бројот на извршители. Во однос на нововработени лица во периодот на раководење на ДЗР од страна на Насер Адеми, ДЗР нема преземено никакви активности и нема вработено ниту едно ново лице. Во однос на преземање на вработени од други институции, реализирани се три преземања на вработени од други институции на јавниот сектор со трансфер на исто работно место, односно единствено ја замениле институцијата каде претходно работеле со Државниот завод за ревизија, велат од ДЗР за Фактор.

Потврдуват и дека во тек се интерни огласи за унапредувања и дека откако ќе заврши постапката ќе бидат унапредени вкупно 17 лица.

„Постапката ја води Комисија за селекција за унапредување која е составена од највисоките раководни службеници и нивните заменици (помошници на главниот државен ревизор, раководители на сектори за ревизија, раководители на ревизија и помошници на раководителите на ревизија). Процесот на селекција за унапредување во Државниот завод за ревизија е уреден со колективен договор склучен помеѓу главниот државен ревизор и синдикатот на државни ревизори во Државниот завод за ревизија, согласно кој комисијата за селекција за унапредување ја спроведува постапката за унапредување и дава предлог до работодавачот/ДЗР кој носи одлука, стои во одговорот од ДЗР.

Сето ова се случува во време кога институцијата е обезглавена. Фактор вчера објави дека цела година се провлекува изборот и дека никој во државата не е загрижен што оваа институција инаку контролор на јавното трошење сега нема прв човек. Од ДЗР  сметаат оти Собранието имало други приоритети па затоа ова се тргало на страна.

„Во контекст на изборот на нов главен државен ревизор, како институција сметаме дека Собранието на Република Македонија ќе избере Главен државен ревизор бидејќи таа постапка е во тек. Огласот беше спроведен и апликациите се оценуваат во рамките на комисијата за избори и именувања. Можеби заради приоритетната агенда на Собранието околу Уставните измени, останатите прашања времено трпат, меѓутоа тоа нема апсолутно никакво влијание на редовното нормално функционирање на институцијата, вели од ДЗР за Фактор.

Експертите сметаат дека е недозволиво што оваа институција нема прв човек. Фактор ги има и кандидатите. Меѓу нив е и Ване Цветанов. Тој вчера тврдеше дека нема да коментира затоа што е еден од луѓето кои се јавиле на огласот.

А.Т.


Можеби ќе ве интересира

Германците бараат гастарбајтери, а сами бегаат од државата: Зошто и каде најчесто заминуваат?

Германците бараат гастарбајтери, а сами бегаат од државата: Зошто и каде најчесто заминуваат?

ДВЕ ГЛАВНИ НАГРАДИ ОД 3 МИЛИОНИ ДЕНАРИ: Скенирајте фискални и добијте од 1000 па до 100 илјади денари

ДВЕ ГЛАВНИ НАГРАДИ ОД 3 МИЛИОНИ ДЕНАРИ: Скенирајте фискални и добијте од 1000 па до 100 илјади денари

Ангеловска: Граѓаните можат да добијат и до 20.830 евра субвенција преку „Купи куќа, купи стан“

Ангеловска: Граѓаните можат да добијат и до 20.830 евра субвенција преку „Купи куќа, купи стан“

Кој во Штип а кој во Гевгелија ги прави најголемите пари?

Кој во Штип а кој во Гевгелија ги прави најголемите пари?

К-15 не им следува на сите вработени: Кога го губи работникот правото на регрес?

К-15 не им следува на сите вработени: Кога го губи работникот правото на регрес?

Дел од скенирачите на фискални сметки се офајдија, што е со останатите на кои не им легнаа пари од „Мој ДДВ“

Дел од скенирачите на фискални сметки се офајдија, што е со останатите на кои не им легнаа пари од „Мој ДДВ“

Преку „Купи куќа, купи стан“ одобрени скоро 100 кредити: Кои се новите поволности за младите?

Преку „Купи куќа, купи стан“ одобрени скоро 100 кредити: Кои се новите поволности за младите?

СЕ ИСЕЛУВААТ И ГЕРМАНЦИТЕ: Ова е земјата која нуди повеќе можности за нив

СЕ ИСЕЛУВААТ И ГЕРМАНЦИТЕ: Ова е земјата која нуди повеќе можности за нив

Странските инвеститори очекуваат намалување на царинските стапки согласно доставеното Барање до Владата

Странските инвеститори очекуваат намалување на царинските стапки согласно доставеното Барање до Владата