Калининград откри 17 тони македонски домат со штетник

Добивај вести на Viber

Земјоделската инспеција на руската енклава Калининград при фито-санитарна контрола пронајде 17 тони свеж домат по потекло од Македонија. Како резултат на инспекцијата на карантински производи, бил откриен јужноамериканскиот доматен молец. Специјалистите на ФГБУ "Калининград МВЛ" го потврдија присуството на карантински штетници во доматите.

Со цел да се спречи ширењето на карантинскиот објект на територијата на Руската Федерација, се преземени мерки во согласност со фитосанитарниот закон.

Јужноамерикански доматен молец е опасен штетник на растителни култури на отворен терен и кои активно се шири во Јужна Америка, Европа и земјите од Медитеранот. 

Главната штетност се манифестира на доматите, односно на листот, стебла и на самиот плод. Како резултат на овие штетници, може да направи штета на плодот и на бербата од 35 до 100%.

Државниот инспекторат за земјоделство потврди дека доматите се вратени од Русија.

„Ве информираме дека на ден 11.06.2018 година на ГП Табановце пристигната е пратка од домати, повраток од Руска федерација поради утврдено присуство на штетниот организам Tuta absoluta. Овој штетен организам спаѓа во Листата на карантински штетни организми на Руската Федерација (сеуште не е утврдено негово присуство во Руската Федерација), додека согласно Македонските листи на штетни организми овој штетен организам е класифициран како економски штетник (штетник кој е распространет на територија на РМ).  Со цел спречување на ширењето на овој штетник на територијата на Русија, пратката е вратена во Република Македонија.