Каменуван патнички воз во Драчево
Објавено во: Македонија 31 Март, 2018
Вчера во непосредна близина на Железничката станица Драчево, воз кој сообраќал на релација Скопје-Кочани е каменуван од страна на непознато лице.
Според информациите кои ги соопшти Министерството за внатрешни работи, синоќа кај Железничка станица-Лисиче во правец кон Железничка станица-Драчево, на околу 30 метри пред рампата за населба Драчево, од страна на непознато лице каменуван е патничкиот воз кој сообраќа на релација Скопје – Кочани, при што е скршено едно стакло.
Од МВР информираат дека нема повредени патници и дека се работи на расчистување на случајот.