Канада ги укинува визите за инвеститори

Добивај вести на Viber

Канада става крај на инвесторската програма која им овозможи на голем број богати Кинези да се преселат во земјата, пишува CNN. Програмата им овозможува на богати инвеститори да аплицираат за постојан престој во Канада, под услов дека поседуваат нето состојба од 1,6 милиони канадски долари (1,5 милиони долари) и да инвестираат 800 илјади канадски долари во форма на долгорочен бескаматен заем за владата. Програмата сепак ќе биде прекината, бидејќи владата оценила дека економската корист не е доволна. "Малку се докази за тоа дека имигрантите инвеститори ги одржуваат врските со Канада и придонесуваат за економскиот развој на земјата", се вели во извештајот на Министерството за финансии на Канада за буџетот за 2014 година. Оние кои ја користеле програмата, плаќале пониски даноци од останатите економски имигранти и нивно останување во Канада за подолг временски период било помалку веројатно, се вели во соопштението на владата. Сите 65 илјади поднесени апликации за програмата ќе бидат вратени, а платените такси, исто така ќе бидат обновени. Околу 70% од апликациите биле поднесени од кинески државјани, пренесува South China Morning Post. По престанокот на програмата Канада предвидува тестирање на нови такви со цел да се најде иновативни пристапи кон бизнис имиграција кои ќе го помогнат растот на канадската економија. Канада не е единствената земја во која постојат слични практики. Во САД функционира нова програма која им овозможува на инвеститорите за инвестиција од 500 илјади долари да добијат зелена карта. Кипар нуди визи за постојан престој при инвестиција од 300 илјади евра, а Португалија нуди слична зделка за 500 илјади евра. Во Грција, која голем дел од младите ја напуштаат во насока кон Северна Европа, инвестиција во недвижен имот од 250 илјади евра обезбедува дозвола за престој за период од 5 години.   K.K.