Канческа-Милевска: Без срам коментираат зошто протестирате, а тие кршеа, фарбаа и уништуваа
Објавено во: Македонија 17 Декември, 2016 16:00
Министерката за култура Елизабета Канческа-Милевска го помина својот ред меѓу говорниците на ВМРО-ДПМНЕ на протестот пред ДИК од каде посочи дека опозицијата без срам коментира зошто овие луѓе се собрале тука, а токму тие имаа најрадикални протести.
- Слушам овие денови го коментираат вашето присуство овде, без срам и без совест коментираат зошто вие сте дошле овде и го браните својот глас, зошто ги браните резултатите на овие демократски избори- нели е срамота тоа? Не го коментираат уништувањето претходно и сето она што го направи СДСМ. Уништуваа државни институции, фрлаа со камења, фарбаа споменици, ја уништуваа нашата култура и историја, го уништуваа нашиот идентитет, македонскиот идентитет, а сега коментираат зошто граѓаните излегле на мирни протести да ја одбранат својата волја, своите резултати.
Ова го истакна Елизабета Канческа- Милевска од ВМРО-ДПМНЕ обраќајки се пред насобраниот народ пред седиштето на Државната изборна комисија.
- Нема да дозволиме, доста беше понижување, доста беше уништување на Македонија со разни сценарија. Сакам да порачам дека македонскиот народ не може да се потценува. Македонскиот народ е тој кој ќе ја даде својата волја и својот глас кој во иднина ќе раководи со Македонија и тоа го покажа на овие избори со 455.000 гласови- тоа е иднината за Македонија. Нема да дозволиме повеќе интриги, делби и уништување на македонскиот интегритет и суверенитет.
На овие избори, додаде Канческа- Милевска, јасна беше волјата на граѓаните кој ќе раководи со Република Македонија.
Можеби ќе ве интересира
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
