Капитал Банка го одбележа 20 годишното постоење на македонскиот пазар
Објавено во: Мои пари 22 Декември, 2016
На настанот кој се одржа во хотел Мериот со почеток од 19 часот присуствуваа голем број на пријатели, клиенти, соработници и акционери на Банката.
Почнувајќи од 1996 до денес 2016, низ изминатите години Банката доживеа голем број на успеси и трансформации, но најважно од се е што денес на овој настан се одбележува 20 годишното постоење под слоганот Напредуваме заедно!
Клиентите кои се со нас од самиот почеток зборуваат за одличната синергија, за нашите принципи и стратегија за работа како и за негувањето на долгорочни релации со нив.
Специјален гостин на настанот беше интернационално докажаниот претприемач, експертот за односи со јавност, најпродаваниот бизнис автор Г-дин Коста Петров кој со својот инспиративен говор на темата Лидерството преку феноменална услуга кон клиентите во новата дигитална ера.
На настанот се обрати и Г-дин Иво Прокопиев главен акционер во Alfa Finance Groupкоја е сопствeник на Капитал Банка АД Скопје кој во својот говор ги презентираше идните трендови во банкарството. Тој дополни дека нашата мисија е да сме Банка од претприемачи за претприемачи, и од тој аспект потенцираше дека нема проблем кој не може да го разбереме и решиме.
Претседателот на Управниот Одбор Г-дин Игор Стојнев во своето обраќање кон гостите ја пренесе следната порака: “Негувајќи ги тимските вредности покажавме дека не постои нерешлив проблем, безизлезна ситуација или било каков предизвик за кој не можеме да понудиме адекватен одговор. Тимскиот дух и тимската сила се огромно богатство што Капитал банка ја прават посебна.’’