Капитол Мол денеска и официјално ги отвора своите врати – B-Watch со неверојатен попуст за сите!

Добивај вести на Viber

Лоциран во срцето на Скопје, во населбата Аеродром, Capitol Mall & Residence денеска во 12 часот и официјално ќе ги отвори своите врати. Новиот луксузен трговски центар се простира на вкупна изградена површина од 33.500 м2. Од нив, 12.500 м2 се наменети на шопинг центарот сместен на првите четири нивоа, а 6.000 м2 се одвоени за резиденцијалниот дел на горните четири катови. Паркинг просторот е на три нивоа под земја, со вкупна површина од 15.000 м2. На приземјето, Шопинг центарот нуди голем Рамстор супермаркет – конципиран по најсовремените светски трендови во оваа област, потоа два кафе-бара со уредени тераси, менувачница и брз трансфер на пари, аптека, оптика, цвеќарница, продавница за органска храна, продавница за модни додатоци, телекомуникациски услуги, инфо центар, но и неколку продавници со реномирани интернационални модни брендови кои за прв пат доаѓаат на македонскиот пазар. Првиот кат има дополнителна разновидна понуда на познати модни марки. Меѓу нив е и познатиот бренд B-Watch, кој останува прв избор кога станува збор за купување на часовник. За сите оние кои ќе сакаат да се подноват на денот на отворањето, од B-Watch подготвија специјална понуда – 20% попуст на сите часовници, а доколку се одлучите за два модели, дополнително ќе добиете и -50% на вториот часовник! Вториот кат од трговскиот центар е наменет за облека и за играчки за деца, потоа мега продавница за спортска опрема, како и за новата понуда во интегрираното шопинг искуство – современиот финтес центар. Третиот кат е повторно резервиран за најмладите – за детскиот центар. Но, исто така, ова е и катот на хедонизмот – гастрономско патување со интернационалните и локалните вкусови, зачинет со прекрасен поглед на Скопје. Capitol Mall располага со свој бесплатен паркинг на три нивоа, со 450 паркинг места, како и со бесплатен Wi-Fi / интернет пристап низ целиот комплекс. Инвестицијата за Capitol Mall & Residence е вредна 30 милиони евра. Тоа е домашна, македонска инвестиција, поддржана од домашните банки. На изградбата на објектот беа вработени преку 250 работници, од преку 50 компании (изведувачи и подизведувачи), повечето од земјава и неколку од странство. Со отворањето на Capitol Mall & Residence, воедно, се отвораат и преку 500 нови работни места од повеќе индустрии.