Караџовска ќе протестира пред Влада: Крик за здравјето од инвалидска количка

Добивај вести на Viber

Снежана Караџовска која пред три години настрада во сообраќајна несреќа во отворено писмо до надлежните институции и до премиерот Зоран Заев, претседателот Стево Пендаровски, министерот Венко Филипче и директорот на ФЗОМ Ден Дончев, ги известува дека во вторник ќе протестира пред Владата. Тоа е ден пред протестот против насилството врз докторите. Караџовска е неподвижна откако ги изгуби двете нозе во сообраќајката.

„Ќе протестирам да им се овозможи на пациентите ( во случајот мене) да имаат увид, кој тоа во ФЗОМ, членови на комисијата, со име и презиме, укинуваат конзилијарно мислење и зошто?

ЗАРЕМ ДОКТОРИТЕ НЕ ПОСТОЈАТ ПОРАДИ ПАЦИЕНТИТЕ ?
Велам зошто, затоа што две години пред да го добијам конзилијарното мислење, навистина се исцрпеа сите средства во нашата држава како што впрочем и пишува во истото и во другите мислења од други релевантни институции и се предложи операција во странство, во Холандија.
Хумано и етички како што јас ги доживувам белите мантили, е да му се каже на пациентот што е тоа што му се нуди, а не да се кријат членовите од комисијата позади одлуката што ја донеле, која е повеќе политичка и неправедна, отколку во корист на пациентот.

СЕ ГРИЖИМЕ- за кого како?

Мене ми е многу жал што до тука стигнаа работите, но очигледно и покрај сите мои напори и огромно трпение, иако требаше досега со приоритет да ме пратите во Холандија, не наидов на правда, право, хуманост и малку разбирање.
Барањата за промена на законите во корист на граѓаните се малку поголеми, но многу, многу оправдани, пишува Караџовска.

Вели дека операцијата е закажана за октомври, па бара да се лекува во Холандија, каде работи тим на доктори многу години и се успешни во истото. 

За Караџовска имаше неколку хуманитарни акции.