Караџовски: Сценарио Ц, полициски час нема да се воведе сè додека не колабира здравствениот систем

Добивај вести на Viber

Претседателот на Комисијата за заразни болести, д-р. Жарко Караџовски на денешната заедничка прес-конференција со министерот за здравство, Венко Филипче, нагласи дека и покрај лошата епшидемиолошка состојба во земјава засега нема да биде имплементирана најтешката мерка, односно Сенарио-Ц, кое подразбира водедување полициски час. 

-Здравствениот систем опстојува, кадарот работи со натчовечки напори, ги зголемуваме болничките капацитети и отвораме дополнителни лабортатории за правење ПЦР тестови, а за некој ден ќе почне употребата и на брзите тестови. Ако ме прашувате дали имаме некоја граница кога треба да воведеме полициски час, јас еве велам, само ако колабира здравствениот систем, истакна Караџовски. 

Истовремено тој нагласи дека непобитен факт е дека во земјава нема епидемиолози, додавајќи дека во Институтот за јавно здравје има само шест, а во скопскиот Центар за јавно здравје има пет доктори епидемиолози. Со ова, Караџовски потврди дека нашиот здравствен систем не е димензиониран за пандемиски размени на одредена болест.

-Но, и покрај ова, ние се уште опстојуваме, се работи во две смени. Но, тука сакам да нагласам дека се има своја мерка. Не е спорно дека ќе направиме место за пациентите во болниците, има доволно лекови, има апаратура. Спорно е само кога ќе паднат здравствените работници. Ние немаме нов тим од 500 доктори и медицински сестри па да ги заменат досегашните. Ова е заедничка борба и ако никој не не слуша се е за џабе. Мерките што ги предложивме се одлични, единствено јас би сакал да бидат многу постоги мерките во делот на казнувањето, рече Караџовски.

Министерот Филипче очекува во текот на утрешниот ден во Собранието пратениците да ги усвојат измените и дополнувањата на Законот за заштита на населението за заразниу болрсти, со кои ќе стапат на сила мерките од првиот пакет, односно задолжително носење маски и на отворено, забрана за групирање на повеќе од четворица на јавни места, како и забрана за големи семејни собири. 

-Очекувам од опозицијата свесност и одговорност со цел Законот да биде донесен, бидејќи навистина сметаме дека мерките ќе ја редуцираат трансмисијата на корона вирусот. Ова е и еден апел заеднички да придонесеме за да стивне епидемијата во нашава земја, рече министерот Филипче.

Анита Буховски