Казната за присуство на цивилни лица во Ковид центар не може да биде само разрешување, вели Беќаровски
Објавено во: Македонија, Корона Вирус 10 Септември, 2021
Доктор Нико Беќаровски порача дека казната за присуство на цивилни лица во Ковид центар не може да биде само разрешување на надлежните.
Ова тој го искоментира на Фејсбук.
„Континуирано присуство на ЦИВИЛНИ НЕВРАБОТЕНИ ЛИЦА ВНАТРЕ во Ковид центрите е СВЕСНО ЗАГРОЗУВАЊЕ НА ЈАВНОТО ЗДРАВЈЕ. За вакво злодело казната не може да биде само разрешување на надлежните во тетовската болница“, напиша Беќаровски.
Министерот за здравство, Венко Филипче на прес - конфереција изјави дека во тетовската модуларна болница која изгоре, и каде имаше 14 жртви, имало и придружници и дека тоа било тешко да се менаџира.