Ќе и покажат ли „Visa“ и „Coca-Cola“ црвен картон на ФИФА?

Добивај вести на Viber

Корупцискиот скандал кој ја стересе оваа недела ФИФА, ги натера корпоративните спонзори на раководниот орган на фудбалот да доживее сериозни грижи, но маркетинг моќта на најпопуларната игра во светот е толку голема што прекинот на врските нема да биде лесно, коментира во своја анализа „The Wall Street Journal“.

Светскиот фудбал нуди незаменлива платформа преку која брендовите можат да ги испратат своите пораки на пазарите во развој, кои се од витално значење за нивниот раст. Иако многу од спонзорите на ФИФА најавија загриженост поради обвинувањата за корупција која обвинителството на  САД ги упати кон 14 лица, поврзани со организацијата оваа недела, ниту еден од нив засега не се повлекува од своите договори.

„Visa Inc“. изјавиле дека сака радикални промени во ФИФА , за да не го раскине договорот, кој инаку истекува во 2022 година. Други големи спонзори, како „Adidas“ и „McDonald's“, исто така, изразија загриженост, додека „Coca-Cola“, која е спонзор на организацијата од повеќе од три децении, изјавиле дека со спорот „е расипана мисијата и идеалите на Светското првенство во фудбал на ФИФА “.

„Компаниите се загрижени (дали да продолжат да работат со ФИФА ), но сепак на крајот станува збор за бизнис“, вели Роб Празмарк кој ги води преговорите за договорите на ФИФА со компаниите преку својата маркетинг агенција „21 Sports & Entertainment Marketing Group Inc“.

„Дали потенцијалните добивки го надминуваат негативниот ризик? Одговорот е - да“, додал тој.

„ФИФА “ засега не одговора на барањето за коментар по повод ефектот на обвиненијата врз договорите за спонзорство.

Многу спонзори работат со „ФИФА “ со години, дури и децении во некои случаи, покрај постојаните обвинувања за корупција и незаконско однесување во организацијата. Само за оваа година „ФИФА “ се соочува со секакви проблеми - од наводна злоупотреба на мигранти, стотици фудбалските стадиони во Катар, до мито за избор на домаќин на Светското фудбалско првенство, организирано на секои четири години.

Во 2011 година организацијата започна истрага против двајца од своите членови по обвиненијата за поткуп. Неколку спонзори, вклучувајќи ги „Adidas“ и „Coca-Cola“, тогаш објавија изјави со кои изразија загриженост во врска со инцидентите, но не и прекин на своите договори.