Ќе има ли нова цена на струјата?
Објавено во: Економија 10 Јуни, 2015
До крајот на јули ќе се знае дали ќе имаме нова цена на струјата.
Сите три енергетски компании државните ЕЛЕМ и МЕПСО и приватната ЕВН, до Регулаторната комисија за енергетика ги доставиле своите пресметки за направените трошоци.
Дека пресметките се доставени до регулаторите за Фактор потврдуваат од сите три компании. Сега, на потег е Регулаторната комисија за енергетика, која треба да ги разгледа и одлучи, дали и за колку ќе биде корегирана цената на струјата?
Неофицијално една од компаниите прикажала за 10% повисоки трошоци.
Иако, според неофицијални информации на Фактор, државните електрани ЕЛЕМ, според трошоците што ги пријавиле барале цената за нивната услуга да биде зголемена за околу 10%.
Сепак, потврда на ваквата инфформација нема. А нема ниту информација што стои во пресметките на останатите две енергетски компании МЕПСО и ЕВН.
Последната промена на цената на струјата беше лани во јули за 3,5%. Новата цена на струјата, според законските правила регулаторите треба да ја утврдат до крајот на јуни годинава, и да важи од први јули.
Од сегашната цена на струјата која 5,59 денари за киловат час – 50% се наменети за ЕЛЕМ, 44% за ЕВН и 6% за МЕПСО.
Дел од медиумите пренесуваат дека македонската енергетска асоцијација е без коментар за ваквите одлуки.