Ќе се субвенционира вработување на лица во социјален ризик
Објавено во: Економија 23 Јуни, 2015
Нова мерка за субвенционирано вработување лица во социјален ризик беше презентирана денес од страна на Министерството за труд и социјална политика.
Оваа мерка покрај субвенционирано вработување ќе опфаќа и помош за приватниот сектор со директни субвенции да отворат нови работни места за овие категории на граѓани.
Министерот Спасов истакна дека со оваа мерка ќе бидат опфатени лицата примателите на социјална парична помош, жртвите на семејно насилство, лицата коишто до 18 години имале статус на деца без родители и родителска грижа, лицата коишто имаат ниски приходи, односно корисниците коишто во минатото користеле условен паричен надоместок за редовно школување што доаѓаат од семејства коишто во минатото биле приматели на социјална парична помош, лицата со ниски приходи по член на семејство под 50 проценти од просечната плата во Република Македонија, како и млади лица до 29 години чиишто семејства исто така имаат ниски приходи.
Субвенциите се поделени на две главни групи. Во првата група ќе се субвенционира бруто-плата за вработување на лица во социјален ризик со вкупен максимален износ на месечно ниво од 22.000 денари, од коишто 17.000 денари за бруто-плата за вработеното лице и 5.000 денари надоместок за трошоци на обука за работодавачот месечно во период од шест месеци со обврска за компаниите да ги задржат овие лица на работа дополнителни 12 месеци.
- Втората група на субвенции опфаќа максимална субвенција од 11.900 денари месечно во период од шест месеци со пет години ослободување од плаќање социјални придонеси во рамки на проектот „Македонија вработува“, истакна Спасов.
Исто така со меркава се предвидува да се вработат 134 невработени лица за кои се обезбедени 11 милиони денари.
Покрај тоа на лицата ќеим бидат платени придонеси, здравствено и осугурување при вработување а работодавачите ќе добијат поголема субвениција бидејќи ќе вработат луѓе од оваа категорија.