КИЛИЈАН МБАПЕ: Младите да не дозволат екстремната десница да дојде на власт во Франција
Објавено во: Свет 17 Јуни, 2024
Познатиот фудбалер Килијан Мбапе ги повика Французите да гласаат против десницата.
Капитенот на Франција, Килијан Мбапе, на последната прес - конференција пред мечот со Австрија, зборуваше и за политиката.
Мбапе упати апел до граѓаните, особено до младите, да не дозволува екстремната десница да дојде на власт. Тој рече дека фудбалерите не смеат да се одвојуваат од она што се случува во светот околу нив.
„Сакам да бидам горд што ќе го носам овој дрес на 7 јули (тогаш се одржуваат изборите). Не сакам да претставувам земја која не ги одразува моите вредности, која не ги одразува нашите вредности, верувам и се надевам дека сите сме на иста страна. Затоа не можеме да се сокриеме“, изјави Мбапе.
Тој се надева дека луѓето нема да му се налутат за политичката порака.
„Се надевам дека луѓето нема да ми се лутат што го кажав ова бидејќи нашата земја денес е во многу сериозна ситуација“, вели Мбапе.
Мбапе го искористи вниманието за да му даде поддршка на францускиот претседател Емануел Макрон во пресрет на претседателските избори во Франција кои ќе се одржуваат на 30 јуни и 7 јули.
Инаку, околу 4.500 луѓе учествуваа во Брисел на „социјалистички и антифашистички марш“ против подемот на екстремната десница во Европа.
Инаку, таткото на Мбапе е од Камерун, а мајка му од Алжир. Француската десница имаше радикални ставови во однос на доселениците.
foto Facebook/Kylian Mbappe