Кина почна со изградба на гасоводот кон Сибир
Објавено во: Економија 02 Јуни, 2015
Кина минатата недела ја започна изградбата на гасоводот за примање на рсуки гас од Сибир, соопшти денес руската компанија „Гаспром“.
Русија и Кина склопија минатата година гасен договор вреден 400 милијарди долари, со кој е предвидена изградбата на гасоводот.
Руската страна би требало од своја страна да вложи 55 милијарди долари во овој проект, вклучувајќи го и развојот на нови наоѓалишта на гас.
„Гаспром“ соопшти дека разговорите за таканаречената западна рута, која ќе поврзува наоѓалишта со Кина, исклучително добро напредуваат,
Спогодбата на Русија и Кина е потпишана во текот на минатогодишната посета на рускиот претседател Владимир Путин на Пекинг. Тој тогаш рече дека ова е „најголемиот договор во гасната сфера во епохата на Советскиот сојуз и Русија“.
Според одбредбите на договорот, Русија во период од 30 години ќе извезува во Кина по 38 милијарди кубни метри гас, со можност таа количина да се зголеми на 60 милијарди кубни метри.