Кина успеа да се справи со делта сојот?
Објавено во: Свет, Корона Вирус 24 Август, 2021
Во Кина тврдат дека имаат нула локално пренесени случаи на коронаворусот.
Кина вчера објави дека не забележала ниту еден локално пренесен случај на коронавирус, за првпат од јули.
Кина нема забележано ниту еден починат во пресрет на појавата на делта сојот.
Над 1.200 жители од градот Нанџинг неодамна беа заразени откако се појави делта сојот, кој е донесен од странство и е откриен при крајот на јули.
Локалните претставници во регионите ширум Кина, вовеле масовно тестирање за да ги идентификуваат и изолираат преносителите. Ова се покажа како ефикасно.
Луѓето заразени со делта варијанта на коронавирусот имаат 300 пати повисоко вирусно оптоварување од оние со оригиналната варијанта, покажа јужнокорејската студија. Oвој сој прв пат се појави во Индија.