Кинескиот пазар на капитал надмина 10 трилиони долари за прв пат

Вредноста на акциите на јавните компании во Кина надмина 10 трилиони долари за прв пат, соопшти Bloomberg.

Пазарната капитализација на компаниите кои се на листата на берзите во Кина, изнесува 10,05 трилиони долари, што е зголемување од 6,7 трилиони долари за 12 месеци, покажуваат податоците, анализирани од агенцијата.

Растот е поголем од целиот пазар на капитал во Јапонија, кој се проценува на 5 трилиони долари. Најголемиот пазар во светот е американскиот - тој се проценува на близу 25 трилиони долари.

Растот во Кина е и најголемиот во светот во долари за 12-месечниот период и се објаснува со приливот на средства кои кинески приватни инвеститори ги насочуваат кон хартии од вредност во земјата во очекување унапредувањата да продолжат.

Пазарната капитализација е на највисоките вредности од пет години.

Надвор од Кина инвеститорите не покажуваат сличен ентузијазам за локалните акции. За седум дена до среда се симна нето 6,8 милијарди долари од кинеските фондови за акции, забележа Barclays Plc. , повикувајќи се на податоци од EPFR Global. Акциите на кинески компании кои се листата на две места, чинат во просек над два пати повеќе на берзите на континентот, отколку во Хонгонг.

Шангајскиот индекс Shanghai Composite се зголеми за 152% во последните 12 месеци - тоа е најсилниот раст меѓу глобалните индекси кои Bloomberg ги следи. Индексот Shenzhen Composite кој се базира на акциите на помалата од двете берзи во Кина, скокана со 194%.

Растовите се придружувани од шпекулациите дека владата ќе преземе уште мерки за поддршка на економскиот раст.