21 Февруари, 2019
0.2526
    ALK 8440.21    0.49%     BESK 9300    3.32%     CEVI 900    0%     GRNT 820.24    0.05%     KMB 5540.51    0.53%     MKSD 194    -3%     MPT 51516.28    0.27%     MTUR 5100    -0.21%     OHB 6800.4    1.21%     REPL 75000    0%     RMDEN16 98.11    -0.09%     RZUS 108    2.86%     SBT 2620.28    8.61%     STB 1255.41    0.22%     STIL 127.83    1.86%     TEH 80    -20%     TEL 315    0.16%     TNB 15500    0.03%     TTK 1379.95    0%     UNI 2285.84    2.07%

Кинезите ни го свртеа грбот во трговската размена

Објавено во: Анализа 04 Јули, 2018

Во период кога Кина „го напаѓа“ регионот со инвестиции, Македонија бележи пад во трговската размена со најбројната земја на светот. Кина е единствена земја од нашите Топ-20 трговски партнери со која имаме негативен скор во вкупниот увоз и извоз досега во 2018-та во однос на истиот период лани.

Според денеска објавените статистички податоци, Кина е на осмото место на рангот на нашите најголеми трговски партнери. Во првите пет месеци од 2017 трговската размена со Кина изнесува 191,7 милиони евра, додека во истиот период од почеток на јануари до крајот на мај оваа година се забележани вкупен увоз и извоз од 184 милиони евра, што значи дека станува збор за намалување од минус 7,7 милиони евра.

Хронолошки овој пад се совпаѓа и со промената на власта во Македонија, која стапи на функција на крајот од минатогодишната пролет.

Радикално се намалува извозот на македонските производи кај гигантот од Далечниот исток од 32,3 милиони евра на 9,3 милиони евра, а интересно е тоа што пак од друга страна увозот останува стабилен со промена од 159,5 милиони евра на 174,7 милиони евра.

Кај сите други земји има зголемување на соработката. Кај Германија од 1,255 милијарди евра се зголемува на 1,434 милијарди евра, а до петтото место следуваат Британија од 316 на 364 милиони евра, Грција од 286 на 327 милиони, Србија од 271 на 284 милиони и Бугарија од 230 на 257 милиони. Кај сите земји расте и извозот и увозот.

И во преостанатите земји од Топ-20, освен Кина, има зголемување на вкупната размена, извозот и извозот. Пред Кина се уште Италија и Романија, а зад неа Турција, Белгија, Унгарија, Австрија, Полска, САД, Косово, Словенија, Шпанија, Хрватска, Холандија и Чешка.

Александар Кузмановски