Кинезите утврдија: Каналот Дунав-Морава-Вардар е економски оправдан

Добивај вести на Viber

Кинеските прелиминарни резултати за студијата за каналот Дунав-Морава-Вардар покажале дека неговата изградба е економски оправдана, информираа од Агенцијата за просторно планирање на Република Србија. Вршителот на должноста на директор во Агенцијата, Драган Дункиќ, најавил дека кинеските стручњаци за неколку недели би требало до Владата на Србија да ги достават официјалните резултати од оваа студија. - Претседателот Томислав Николиќ при неодамнешната посета на Кина добил од домашните тимови краток извод од студијата за оправданоста за каналот Морава, на кои работи кинеската компанија „Чајна гезуба корпорејшн“. За период од неколку недели ќе биде доставена оваа студија - изјавил Дункиќ, на економскиот собир за „Дунав река за соработка“. Според прелиминарната студија, изградбата на каналот би чинела неспоредливо помалку од тоа што се проценуваше и со чии бројки се лицитираше, изјавил Дункиќ. Претходните процени беа дека каналот би чинел 10 до 15 милијарди евра само са Србија, а изградбата би била со издавање под концесија. Како што пишуваше Фактор, претставници на кинеските компании од пред шест месеци почнаа да собираат податоци за изработка на студија за оправданоста на изградбата на Каналот Морава. Оценките на некои македонски експерти се дека изградбата на пловниот канал Дунав-Морава-Вардар-Солун ќе поплави три населби во јужниот дел на Македонија, а ќе предизвика и големи ходрогеолошки и миграциони промени. „Пред да реши да се вклучи во неговата реализација македонската влада треба сериозно да ги разгледа позитивните и негативните ефекти на овој мега проект“, вели во интервју за српска Политика, Љупчо Петковски, раководител на Катедрата за хидротехнички објекти, на Градежниот факултет во Скопје. Cпоред анализата на професорот, проектот ќе ги промени хидрогеолошките услови во одредени региони, така што во гевгелиско-валандовскиот регион наводнувањето би требало да биде заменето со одводнување. Целата анализа прочитајте ја тука.