Кисела Вода додели ваучери за 48 новорденчиња

Добивај вести на Viber

По 7 ми пат, Општина Кислеа Вода ги собра новите родители со адреса во општинските граници. На 48 семејства кои неодамна добиле  дете и кои доставиле комплетна документација, градоначалничката Билјана Беличанец-Aлексиќ им додели ваучери во вредност од 6000 денари. -          И во оваа календарска година, продолжуваме со традицијата за јавно доделување на ваучери за еднократна парична помош во висина од 6.000 денари на семејствата кои имаат принова. Одлука што ја донесовме кон средината на претходната година и оттогаш доделивме 278 ваучери. Ова говори дека нашата цел, полека но сигурно се исполнува. Тоа е да ги стимулираме семејствата сериозно да размислуваат и да се одлучат за зголемување на бројот на дечиња, но истовремено и да им помогнеме на овие семејствата со скромни средства кои сигурно им се и повеќе од потребни, вели Беличанец – Алексиќ. Од општината велат дека грижата за најмладите ќе продолжи . Градоначалничката ги повика сите родители кои ги исполнуваат критериумите заедно со барањето да достават лична карта или друг документ за лична идентификација, извод од матична книга на родените за новороденчето, како и фотокопија од трансакциска сметка. Рокот за поднесување на барањата е 90 дена од моментот на раѓање на детето, а исплатата на паричните средства се врши по подигнувањето на ваучерот од страна на родителот.