Ќе биде ли Јакупица новиот национален парк во Македонија?!
Објавено во: Агробизнис 23 Јуни, 2013
Охрабрени од позитивното мислење на Министерството за животна средина, еколошкото друштво „Вила Зора“, експертите и Партијата на зелените ДОМ, започнаа со изработка за Стратегија за прогласување на планината Јакупица за национален парк.
Веќе се подговува студија за оценка на вредностите на планинскиот предел, а експертите ги одредија границите на кои ќе се истражува.
Иницијаторите на ваквиот предлог, еколошкото друштво „Вила Зора“ од Велес и партијата Дом сметаат дека со заштита на овој планински предел бенефит ќе имаат и државата и локалното население.
„Јакупица е најголема планина по површина во земјава. Таа изобилува со исклучителни природни богатсва и реткости, па затоа вреди да се заштити“, сметаат експертите.
Иницијативата за заштита на Јакупица ја поддржа и министерството за животна средина.
Дали планината ќе стане заштитено подрачје ќе се знае откако ќе завршат сите истражувања на терен и ќе се утврдат нејзините вредности.
„Различниот геоморфолошки, геолошки форми на карпите кои се стари речиси милијарда години на некои места, карпи кои се со интересна форма, бројни пештери, тука е камениот мразник единствена појава во Македонија и меѓу ретките на Балканот", рече др. Ивица Милевски.
Досегашните истражувањата покажале дека специфичната клима како и гео и био диверзитетот, се предусловите кои одат во прилог кон потребата за ставање на овој простор под заштита на државата.
Означени се границите на планинскиот предел кој ќе биде истражуван, сега се утврдуваат деловите за заштита од прва и втора категорија, потоа следува економскиот или делот за искористување во туристички цели.
Македонија има три национални паркови, прогласувањето на четвртиот Шар планина е во процедура, очекувањата се дека Јакупица ќе биде петиот национален парк.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
