Ќе добие ли Јанкулоска казна затвор за набавката на мерцедесот?

Добивај вести на Viber

Oбвинителката Фатиме Фетаи бара затвор за екс министерката за внатрешни работи, Гордана Јанкулоска за случајот „Тенк“. 

Специјалното јавно обвинителство во своите заврши зборови во судскот процес за набавката на мерцедесот побара осудителна пресуда за Јанкулоска за злоупотреба на службата положба и овластувања.

„Со умисла го поттикнала Ѓоко Поповски незаконски да постапи и да фаворизира економски оператор за набавка на конкретното возило“ – рече Фетаи.

Отежнителни околности како што кажа Фетаи е степенот на кривичната одговорност затоа што делото е направено додека Јанкулоска била на функција. Како единствена олеснителна околност од СЈО ја посочија семејната положба.

„Јасно се забележува дека во постапката за набавка има технички спецификации кои се разликуваат од таа во 2011. Зошто не останале техничките спецификации од 2011 години, зошто не го смениле само зборот поволно во ново“ – вели Стевчо Донев, колегата на Фетаи. 

Донев и Фетаи ги наведуваат техничките спецификации вметнати во тендерот со кои се отстранува конкуренцијата и се фаворизира една марка и конкретно возило. Ги анализираат и бомбите во кои како што рекоа, се слуша што бара Никола Груевски, како обвинетата Јанкулоска кажува дека е извесно кој ќе ја добие набавката, како бара финта за да се стесни просторот за конкуренцијата итн.

Јанкулоска, пак, наведоа тие, со умисла го поттикнала Ѓоко Поповски да изврши кривично дело искористувајќи ја својата положба и овластувања.