Ќе има дополнителни анализи и мерки за масовна вакцинација, можни се и економски стимулации
Објавено во: Македонија, Корона Вирус 25 Ноември, 2021 21:32
Владата на денешната редовна 121 седница ги разгледа предложените мерки и препораки на Комисијата за заразни болести за интензивирање на КОВИД-19 вакцинацијата.
Тргнувајќи од неприкосновениот факт дека масовната вакцинација е најефикасен одговор за заштита од последиците и за спречување на ширењето на пандемијата со КОВИД-19, Владата заклучи да побара од Комисијата за заразни болести дополнителни анализи и компаративни студии за предложените мерки, но и предлози за дополнителни мерки за поттик за масовна вакцинација.
Во очекување на дополнителните анализи, Владата ги задолжи ресорните министерства и инспекциски служби да ги вложат сите капацитети и да ги зајакнат примената и контролата на спроведувањето на сите активни мерки за заштита од КОВИД-19, а особено на системот на проверка на сертификатите за вакцинација, ПЦР тестовите и потврдите за прележана инфекција со КОВИД-19 низ ригорозна проверка на идентитетот на лицата кои ги прикажуваат овие документи за пристап во објектите каде што е тоа задолжително.
„Во насока на поттик за масовна вакцинација, Владата ги задолжи сите министерства, јавните претпријатија, акционерските друштва и агенциите во државна сопственост, да спроведат скрининг за да се утврди процентот на вакцинирани во државната и јавната администрација, како и да ги утврдат можностите за стимулација за поголем до целосен опфат со вакцинацијата, како и правната основа за рестрикции на правото на дежурства, прекувремена работа, службени патувања и други опции за дополнителни приходи за вработените во јавната администрација“, соопштија од Владата.
Владата ќе ги разгледа и употреби сите реални можности за економски стимулации, но и за рестрикции по однос на финансиски бонуси и друг тип на надокнади кои се надвор од основиците, со цел да ги мотивира и упати граѓаните кон единствената и најефективна мерка за заштита на здравјето и за спас на сопствениот живот од опасната пандемиска болест КОВИД-19.
фото freepik.com
Можеби ќе ве интересира
„АКО СЕ РАСПАДНЕ ВРЕДИ МОЖЕ ДА ИМА РЕКОНСТРУКЦИЈА И ДУИ ДА СЕ ВРАТИ ВО ВЛАСТА“ - предупредување од професорот Самоил Малчевски
САША БОГДАНОВИЌ ОДИ ЗА МЕЛБУРН, ОБЈАВИ И ЕМОТИВНИ СТИХОВИ - која е причината
ДИРЕКТОРОТ НА БЈБ ПОТВРДИ: Приведен е директор на здравствена установа, кога се уште владее национална тага, поединци сакаат да профитираат
„ПОЛИЦИСКИ СЛУЖБЕНИК КОЈ ВО 2023 ГОДИНА АЛАРМИРАЛ ДЕКА ДИСКОТЕКАТА НЕ Е БЕЗБЕДНА, СЕГА Е ВО ПРИТВОР“ - Гоце Делчев Тодев со свои сознанија за несреќата
„ЌЕ ОДАМ САМ, НЕКАДЕ ЌЕ СОРАБОТУВАМ СО ДУИ, НЕКАДЕ СО ВЛЕН, ТОА НЕ ПОСТОИ НИ ВО ТЕОРЕИЈА, НИ ВО ПРАКСА“ - Меџити го повика Таравари да се изјасни
ДВЕ ЛАМИ УГИНАЛЕ ВИКЕНДОВ ВО СКОПСКАТА ЗООЛОШКА: Едната била болна од туберколоза
„ИДЕЈАТА ЗА ОБЕДИНУВАЊЕ ВО ЕДНА ПАРТИЈА ПОСТОИ ОД ФОРМИРАЊЕТО НА КОАЛИЦИЈАТА“: Меџити контра Таравари
„ДА МУ ПОМОГНЕМЕ НА ТИМЧО“: Жерновски вели никој не сака да му дојде на гости
СДСМ ја повика власта да не ги гони револтираните од Кочани
