Ќе се истражува кои се причините за различната слика на болните од КОВИД-19
Објавено во: Македонија, Корона Вирус 06 Април, 2021
Ќе има финансиска поддршка за научен проект за причините за различната слика на болните од КОВИД-19.
На денешната 64-та седница, Владата ја разгледа и усвои Информација за обезбедување на средства за купување на реагенси и потрошен лабораториски материјал за потребите на Институтот за имунобиологија и хумана генетика на Медицинскиот факултет при Универзитет „Св. Кирил и Методиј“ во Скопје во износ од 6.000.000,00 денари.
„Одобрените средства се наменети за проектот „Имуногенетски профил на пациенти со тешка клиничка слика на КОВИД-19“ кој ќе опфати анализа на најмалку 100 пациенти со тешка слика на болеста како и членови на нивни семејства и околу 1000 пациенти со прележан КОВИД–19 за да се дојде до одговори на повеќе прашања, од кои најважно е зошто кај некој луѓе таа поминува како безопасна, а кај други може да биде исклучително тешка и дури и фатална“, велат од Владата.
Македонија изгуби скоро 4.000 свои граѓани поради коронавирусот.
foto freepik