Ќе се вработуваат речиси 300 педагози и психолози во училиштата

Добивај вести на Viber

Министерството за образование и наука ќе вработува 294 лица (педагози и психолози), кои ќе ги советуваат учениците кои имаат одредени проблеми. притоа, 90 вработувања се најавени  во првата фаза, а во тек е огласот за вработување пет стручни профили, како и обезбедување педагог или психолог во училиштата каде ги нема. Како што информираше министерот за образование и наука Спиро Ристовски, министерството изготвило две програми за советување на учениците во основните и во средните училишта во кои јасно се утврдени постапките по кои треба да се одвива советодавната работа. Така, прво ќе се идентификуваат учениците што имаат проблеми, а потоа ќе се праќаат на индивидуално или групно советување. „Програмите за советување ќе придонесат за јакнење на воспитната улога на психолошко-педагошките служби во училиштата, пред се на наставниците како клучна алка во воспитно-образовниот процес, затоа што тие се лицата кои поминуваат најмногу време со учениците и први ги детектираат симптоматичните однесувања кај нив, а потоа пристапуваат кон надминувањето на одреден проблем или причина која предизвикала негативен ефект во процесот на нивната едукација“, појасни Ристовски и посочи дека програмите веќе се објавени во Службен весник и веќе стапиле во сила. Ланската учебна година имало 6.900 советувања на ученици за различни видови проблеми. Главна цел, вели Ристовски, е да се надмине проблемот со кој се соочува некој ученик – нередовност (ако има повеќе од 10 неоправдани или 100 оправдани отсуства од настава), манифестирање несоодветно однесување, слаби оценки и слично однесување.