Ќе се забрани загадувањето на Преспанското езеро

Добивај вести на Viber

Ќе се забрани внесување туѓи растителни и животински видови, непречистени отпадни води од домаќинствата и индустријата, но и штетни материи кои би можеле да предизвикаат хемиски, физички, биолошки, микробиолошки и други промени во Преспанското Езеро.

Ова се предвидува со дополнувањата на Законот за прогласување на Преспанското Езеро за споменик на природата.

Со Законот се забранува испуштање нафта и отпадни масла од пловните објекти, сечење стебла, трска и палење оган во крајбрежниот појас на Езерото, деградирање и уништување на природните живеалишта особено на местата каде животните се размножуваат или престојуваат во границите на споменикот на природата, поставување капацитети за одгледување риби за комерцијални цели во крајбрежниот појас и во водите, отворање позајмишта за црпење песок и поставување објекти и инсталации во крајбрежниот појас кои можат да го нарушат природниот амбиент или да имаат негативни влијанија врз развојот на природните процеси.

Изто така се забранува и преземање активности со кои се прекинува природната комуникација меѓу Езерото и крајбрежниот појас, изградба на бетонски и камени ѕидови, како и објекти од траен карактер во крајбрежниот појас во широчина од 50 метри. Дополнувањара во Законот го минаа првото читање во Собрание, а треба да помогне во зачувување на животната средина и развој на туризмот.