ЌЕ ВРНЕ СНЕГ, ПОПЛАДНЕВО И ВЕЧЕРВА ИЗБЕГНУВАЈТЕ ГИ ПЛАНИНСКИТЕ ПРЕВОИ - директорот на ЦУК Ангелов со предупредување
Објавено во: Македонија 07 Декември, 2023
Според УХМР, денес попладне и вечер на повисоките места се очекуваат врнежи од снег и температури околу и под нулата.
Директорот на Центарот за управување со кризи, Стојанче Ангелов, излезе со следново предупредување.
„Апелираме до граѓаните доколку немаат неопходна потреба попладнево и вечерва со своите возила да ги избегнуваат сите планински превои и други вообичаени критични точки при снежни врнежи или доколку патуваат да користат (или со себе да носат) зимска опрема.
Ги повикуваме возачите на тешки товарни возила да бидат исклучително совесни и внимателни, да користат зимска опрема и да ги почитуваат сите евентуални препораки и забрани од МВР“, се вели во соопштението од ЦУК.