Климатските промени виновни за проширувањето на штетници кај земјоделските култури

Добивај вести на Viber

Климатските промени помагаат штетниците и болестите кои ги напаѓаат земјоделските култури да се шират низ светот, се наведува во една нова студија.

Истражувачите од универзитетите Ексетер и Оксфорд открија дека штениците се движат просечно по три километри годишно. Тимот научници објави дека тие се движат кон северниот и јужниот пол, и заземаат области кои порано биле престудени за да можат да живеат таму. Истражувањето е објавено во журналот Нејчр клајмат чејнџ.

Во моментов се проценува дека помеѓу 10 отсто и 18 отсто од земјоделските култури во светот се уништени заради појавата на болести. Истражувачите велат и дека покачувањето на глобалните теммператури може уште повеќе да го влоши проблемот.

Д-р Дан Бебер, водечкито автор на студијата од Универзитетот Ексетер, вели: „Глобалната безбедност на храната е најголем предизвик со кој ќе се соочиме во текот на следните две децении“.

„Не сакаме да повеќе да губиме од нашите земјоделски култури отколку што е тоа апсолутно неопходно, заради бубачки и патогени“.

Трговскиот транспорт

За да го истражат проблемот, истражувачите прегледале записи за 612 земјоделски бубачки и патогени од целиот свет, кои биле собрани во последните 50 години.

Тоа ги вклучува и фунгите и житната плесен, која ги уништува посевите во Африка, на Блискиот исток и во Азија; потоа тука се и инсектите, како што се бубачката од планинскиот бор, која ги уништува дрвјата во САД, како и бактериите, вирусите и микроскопските нематодски црви.

Распространувањето на секој организам е различно - некои пеперутки и инсекти брзо се пренесуваат, скоро по 20 километри годишно, а други бактериски видови многу бавно се движат. Сепак, од 1960 година наваму, секоја година бубачките просечно се движат по три километри.

„Откривме пресврт во нивното распространување, оддалечување од Екваторот и придвижување кон половите“, објаснува д-р Бебер.

Истражувачите сметаат дека глобалната трговија со земјоделски култури е воглавно причината за пренесување на бубачките и патогените од земја до земја.

Сепак, организмите можат да се задржат во некои области само ако условите им одговараат, а истражувачите веруваат дека повисоките температури од загревањето овозможиле овие суштества да преживуваат и на повисоки надморски височини.

Д-р Бебер вели: „Најубедлива хипотеза е дека глобалното загревање е причината за овој пресврт. Пример е компирската златица од Колорадо. Изгледа глобалното загревање и овозможило да се движи кон север, преку Европа кон Финска и Норвешка, каде студените зими нормално би ја уништиле оваа бубачка“.

Истражувачите рекоа дека се потребни подобри информации околу тоа каде овие бубачки и патгени биле и кон каде се движат, за целосно справување со степенот на овој проблем.

„Исто така треба да ги заштитиме и нашите гранци, растенијата треба да ги ставиме во карантин за да се намалат шансите овие бубачки и патогени да стигнат во нашите земјоделски системи“, додава д-р Бебер.

извор: Миа