Клиника Жан Митрев го промовира здравиот начин на живот преку Шутбал – Walking Football

Објавено во: Мои пари 20 Мај, 2025 13:50
Клиника Жан Митрев ја презема водечката улога во унапредување на здравите навики во Македонија, преку промоција на спорт што станува се попопуларен во светот – Walking Football, кај нас познат како Шутбал. Под покровителство на Фудбалската федерација на Хрватска, екипата на Клиниката зеде активно учество на меѓународен турнир на островот Вис, каде што ја претставуваше Македонија со спортски дух и огромна посветеност. Натпреварувајќи се со тимови од Хрватска, Австрија и Унгарија, нашиот тим остави силен впечаток со својата енергија, фер-плеј и професионалност, што резултираше со нови покани за учество на меѓународни турнири.
Шутбалот е повеќе од игра – тој е нова можност за луѓето од сите возрасти да останат физички активни, да се дружат и да се грижат за своето здравје. Се базира на правилата на традиционалниот фудбал, но со клучна разлика: нема трчање, се игра со одење, а акцентот е ставен на рекреација, тимска игра и социјализација. Ова го прави идеален спорт за повозрасни лица, пациенти во рехабилитација,хронично болни, дијабетичари, хендикепирани, постаринад80 години старост, мешани тимови мажиижени,како и секој кој сака да води активен и здрав животен стил.
Клиника Жан Митрев е основоположник на Walking Football во Македонија и веќе ја најавува својата заложба за организирање домашни и меѓународни турнири. Целта е да се направи спортот достапен за пошироката јавност и да се поттикне изградбата на заедница која го негува здравиот начин на живот. Спортот бележи експанзија на светско ниво и е препознаен од страна на FIFA и UEFA како здравствено-корисна, инклузивна и безбедна алтернатива на традиционалниот спорт.
Клиниката ја презема одговорноста да ја води иницијативата за официјално втемелување на овој спорт во нашата земја, со јасна визија – да се создаде движење што ќе го негува спортот, здравјето и активниот животен стил, без разлика на возраста.
Можеби ќе ве интересира
BOOKирај одмор со книга од „Арс Ламина“ со попуст до 60%

Реновирана експозитурата на Шпаркасе Банка во Охрид – Нова ера на модерни услуги и одржлив развој

БЕЗБЕДНА И ПРЕЦИЗНА НЕВРОХИРУРГИЈА СО НАЈСОВРЕМЕН СИСТЕМ ЗА НЕВРОНАВИГАЦИЈА

Нов проект на Зегин “Летен Клуб #младина” – одлична можност за сите матуранти – фармацевтски техничари!

Како младите да одберат банка и на што да внимаваат?

Групацијата 4iG именува извршен директор и заменик-извршен директор на OНЕ Македонија

Цената на нафтата расте поради зголемените тензии на Блискиот Исток

Проф. д-р Венера Крлиу избрана за нова ректорка на Универзитетот Американ Колеџ Скопје

Со Халкбанк, пензија со помалку грижи и повеќе слобода
