КОГА Е „ГАГА“ И КИСЕЛИНАТА Е БЛАГА: Специјалци интервенираа при тепачка на пензионери за бесплатно возење за Демир Капија

Добивај вести на Viber

Не бадијала е смислена оваа поговорка, „Кога е гага и киселината е блага“. 

Кога се дели нешто бесплатно, луѓето буквално се подготвени на се, па макар и на тепачка, расправии и турканици.

Ваква слика денеска можеше да се види на железничката станица во Скопје каде мераклии се испотепаа за бесплатниот воз за Демир Капија. Турканиците почнале кога насобраните дознале дека мора да обезбедат билет па тогаш да се качат во возот. Дел од нив имале билети, но тие што немале ја направиле ситуацијата уште потензична.

За да не излезе состојбата од контрола дури и специјалци морале да интервенираат и да контролираат влегување само со билет.

Во Демир Капија денеска се одржува традиционална манифестација по повод Св. Трифун денот на лозарите.

Општината таму организира бесплатно јадење и пиење, шведска маса, вино и ракија а за забавата ќе се погрижат Јордан Митев, Блага Петреска, Виолета Томовска, оркестарот „Зајди, зајди“, па оттука можете да претпоставите зошто сите тие турканици и тепачки за бесплатен билет.