Кога веќе седите со часови, седете правилно

Добивај вести на Viber

Кога веќе морате осум и повеќе часа дневно да седите, тогаш барем помогнете му на вашето тело полесно да го поднесе тоа, и седете правилно. Само со правилно седење ќе ги избегнете болките и непријатните последици од долготрајното седење. Телефон Дали имате обичај да го држите телефонот со рамото наместо со раката? На тој начин премногу форсирате само една страна од вратните мускули, што може да предизвика болка. Ако веќе седите додека зборувате по телефон, користете ги рацете. Раце Рацете нека ви бидат ставени под агол од 90 степени, за да мускулите околу лактите и подлактиците да можат да се опуштат. Подесете ја висината на столицата за удобно да се сместите. Столица Сместете се во столицата така што наслонот ќе ви помага да го држите грбот исправено, а со тоа и да им дадете на грбните мускули малку одмор. Нозе  Држете ги нозете под агол од 90 степени. Доколку не можете да го допрете подот, држете ги на потпирачот на столот. Строго избегнувајте прекрстени нозе бидејќи таа положба не е добра за нозете. Монитор Важно е мониторот да биде во линија со очите. Погледот надолу може да предизвика болка во вратниот дел на ’рбетот, затоа подигнете го мониторот доколку е потребно. Тастатура и глушец Поставете ги малку подалеку од работ на масата за да можете лактите да ги потпрете на масата – на тој начин нема да вршите дополнителен притисок на вратот и рамениците. Стапала Држете ги стапалата на подот и трудете се да не ги буткате под столицата. Немојте ни да ги прекрстувате, затоа што таа поза не е добра за нервите во ’рбетот и ги напрега колковите.