КОИ СЕ ДВАЈЦАТА ПРАТЕНИЦИ КОИ НЕ ГЛАСАА „ЗА“ НОВАТА ВЛАДА НА КОВАЧЕВСКИ - едниот поради несогласувања, другиот поради ковид

Добивај вести на Viber

Кои се двајцата пратеници кои се дел од владејачкото мнозинство, кои не гласаа за новата Влада на премиерот Димитар Ковачевски.

Ова прашање се наметнува откако доцна синоќа новата Влада беше избрана со 62 пратеници, додека, како што е познато, новото парламентарно мнозинстгво, брои 64 пратреници, откако во него влезе Алтернатива, а како што е познато, во него учествуваат и СДСМ, ДУИ, ЛДП, ДОМ, како и ДС на Павле Трајанов.

За новата Влада на Ковачевски не гласала пратеничката Лолита Ристова од СДСМ, која била позитивна на коронавирусот и од тие причини не дошла во Собранието и не можела да го даде својот глас за новата Влада. 

Претходно, пак, медиумите објавија дека пратеникот Изет Меџити нема да гласа за Владата, а причина за тгоа биле негови несогласувања со дел од кадровските решенија, поточно со изборот на Артан Груби за заменик премиер за политички систем и на Бујар Османи за министер за надворешни работи. 

Изет Меџити на својот фејсбук профил нема напишано дека не гласал за новата Влада и кои се причините за тој потег.

И Ристова на својот официјален профил нема објавено попрецизна информација, но за нејзиното отсуство поради ковид 19 информирале од партијата.