Добивај вести на Viber

 Кристина Попова, Ивана Станковиќ , Олимпија Христова Заевска и  Анја Марија Макеска се четирите дами кои ги одбра минстерката за финансии да и помагаат во управувањето со државните пари.

Сите со искуство ќе ја советуваат во различни сектори наследничката на Тевдовски која на почетокот на месецот застана на едно од клучните министерства во државата.

Имено Ивана Станковиќ ќе биде посебен советник за јавен долг и финансиски систем, за меѓународните финансии, ИПА и односи со ЕУ Нина ќе ја советува Олимпија Христова Заевска, а Анја Марија Макеска ќе биде достапна и ќе и стои на располагање на јавноста.

Шефица на кабинетот ќе биде Кристина Попова која има работно искуство токму од министерството со кое раководи Ангеловска.

Нина Ангеловска реши во тимот како надворешни консултанти да ги ангажира и Маријан Петрески и Павле Гацов . Во објавата на Фејсбук министерката посочува дека ќе бидат нејзини соработници во областа на макроекономијата и даночните политики.

Ангеловска е млада амбициозна жена коосновач и косопственик на трговска платформа позната како „Групер“ која посредува на продавачи на стоки и услуги и ги прави подостапни за клиенти.

Фирмата сопственик на „Групер“ се вика „Вебспот“ ДОО и лани имала приходи од 373.000 евра, а направила добивка што надминува 100.000 евра.

Читајте и ... Со фитнес ослободува стрес, трчањето ѝ е страст: Која е Нина Ангеловска, идната министерка за финансии