Кои се три најголемите македонски инвеститори? Во депозити, кеш, акции и обврзници чуваат 1,8 милијарди евра!
Објавено во: Финансии 15 Септември, 2022
Над половина милион Македонци идни пензионери се инвеститорска велесила на нашиот пазар на капитал. Нивните пензиски заштеди организирани во три приватни задолжителни фондови изнесуваат вкупна нето вредност која на крајот на август годинава била поголема од 1,8 милијарди евра
Трите задолжителни пензиски фондови „Сава пензиско друштво“, „КБ Прво пензиско друштво“ и „Триглав пензиско друштво“ се најголемите македонски инвстициски фондови кои во депозити, кеш, домашни и странски акции и обврзници чуваат 1,802 милијарди евра пари односно пензиски заштеди на идните пензионери кои се членови на вториот задолжителен пензиски столб, покажуваат најновите податоци на државната Агенција за супервизија на капитално финансирано пензиско осигурување (МАПАС).
Податоците на МАПАС се јавно достапни на нивната веб страница на следниот линк https://mapas.mk/izveshtai-i-statistika/statistika/
Број еден според нето средствата на своите членови е приватниот задолжителен пензиски фонд со кој управува КБ Прво пензиско друштво и тие на крај на август изнесуваат 917,6 милиони евра.
Нивни најголем конкурент е „Сава пензиско друштво“ со речиси 812 милиони евра нето вредност. Овие два фонда се активни од почнувањето на македонската пензиска реформа пред повеќе од 12 години. Најмлад член на оваа инвеститорска групација е „Триглав пензиско друштво“ кое располага со 72,2 милиони евра, а е оформено пред неполни три години.
Споредбата на официјалните податоци покажува дека трите друштва заедно акумулирале 85 милиони евра во првите осум месеци година. Нето вредноста на средствата на трите задолжителни пензиски фонда на крај на 2021 година изнесува 1,717 милијарди евра.
Официјалните податоци на МАПАС покажуваат дека најголем дел од парите пензиските друштва чуваат во домашни државни обврзници и тоа е околу 60 отсто просечно од сите овие средства. Околу 25 отсто од средствата се чуваат во странски обврзници (во најголема мерка државни), а останатото е во домашни и странски акции, удели на инвестициски фондови, депозити и кеш.
Денеска е светскиот ден на пензиската свесност и повеќе информации за значењето и суштинат на оваа пензиска реформа може да прочитате на http://www.mapas.gov.mk
Р. Ф.Можеби ќе ве интересира
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка
Николоски на средби во СБ – Продолжуваме со спроведување на реформите дефинирани со нашите партнери, 695 милиони долари поддршка од СБ
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
