Кој е Ибрахим Ибрахими-новиот министер за труд и социјална политика?

Добивај вести на Viber

Во фотелјата на Фросина Ременски која ја напушти функцијата по истекот на договореното од Пржжино, денеска седнува нов министер кој ќе ја извршува оваа функција се до составувањето на новата Влада.

Ибрахим Ибрахими ќе управува со ова министерство согласно член 3 од Законот за изменување и дополнување на Законот за Владата на Република Македонија од јули 2016 година.

Кој е Ибрахим Ибрахими?

Ибрахими е роден во Гостивар 1967 година и е дипломиран економист. Дипломирал на Економскиот факултет во Скопје, а во моментов е на постдипломски студии по сметоководство и ревизија, како и на постдипломски студии по политички науки на Универзитет на Југоисточна Европа воТетово.

– На 29 јули 2011 година избран е за заменик министер за труд и социјална политика, а од 2008 до 2011 ја извршува функцијата заменик министер во Министерството за правда. Во периодот од 2007-2008 работи како советник во Министерство за труд и социјална политика. Од 2004 до 2006 бил проект менаџер во Европски центар за малцински прашања, а во периодот од 2001 до 2004 програмски координатор на проект Ромаверзитас во Фондацијата Институт Отворено Општество Македонија. Во периодот 2000-2001 година е шеф на сметководство во Фатина – Гостивар, се вели во соопштението.

Ибрахими е автор на брошурата „практичен водич за невладини организации за ДДВ”, како и на извештајот на Советот на Европа “Вработувањето и социјалните бенефиции за Ромите во Македонија” (2002), на извештајот на Советот на Европа “Вработување, развојни политики и имплементација”.

Говори англиски, турски, албански јазик, француски јазик (пасивно) и српски јазик.