19 Март, 2024
0.0277

Кој е македонски текстилен гигант? Прилепска конфекција со приход од 25 милиони евра

Објавено во: Економија, Анализа 05 Ноември, 2019

Добивај вести на Viber

Истражувањето на „Фактор“ покажа дека највисоко и ретко постигнато достигнување во нашата текстилна индустрија е профитна маргина која надминува 5 отсто и ја има само една од девет рангирани компании во истражувањето на „Фактор“. Убедливо најголем меѓу текстилците е прилепски „Комфи Ангел“ компанија што лани имала вкупни приходи од 24,9 милиони евра, а од нив 4,4 отсто се профит. Има ли магична формула со која може да се зголемат платите на вработените, а притоа профитната маргина да остане макар и ваква „тенка“

Конфекционерството е една од клучните гранки на македонската трудоинтензивна економија. Во последно време оваа индустрија која апсорбира голем дел од расположливите работнички ресурси е во жижата на македонската јавност заради „боксирањето“ меѓу Владата и стопанствениците околу ризиците и предностите кои ги носи зголемувањето на минималната плата.

Газдите на текстилните компании т.е. производители на конфекција и трикотажа високо го кренаа штитот против предлозите за зголемување на минималната плата. Очекувано дека ќе бидат против предлозите и намерите на Владата, но никој не очекуваше предлози од типот на зголемување на работното време во текстилната индустрија и намалување на бројот на државни празници за работниците во оваа трудоинтензивна дејност. Нивните предлози ги осуди широката јавност, а инфлуенсери на социјалните мрежи ги дочекаа со цинизам и мајтап нивните предлози.

Кои се големите текстилни компании и колку пари заработиле лани? Колку луѓе ангажираат и колкави се нивните приходи од продажба лани?

Преку овие одговорите на овие прашања ќе направиме обид на јавноста да ги приближиме состојбите во текстилната индустрија преку фактите за работењето на девет компании од дејноста. Да не заборавиме, оваа индустрија лани ангажирала околу 35.000 вработени.

Газдите текстилци бараат подолго работно време: Работниците ги плаќаме за осум часа, а работат седум ипол

Девет текстилни компании (четири штипски и по една од Скопје, Делчево, Кочани, Ресен и Прилеп) лани направиле приходи од продажба во вкупен износ од 42,6 милиони евра. Овој приход го направиле вредните раце на 2.607 вработени. Профитот на овие девет компании надминува 1,5 милиони евра.

„Ѕвер“ помеѓу текстилните компании е прилепската конфекција „Комфи Ангел“. Лани нејзините 870 вработени направиле производи од кои компанијата приходувала 24,9 милиони евра. Нејзиниот профит лани е 1,1 милиони евра. „Комфи Ангел“ е убедливо најголемата компанија помеѓ деветте конфенции чии податоци ги обезбедивме преку базата на Централниот регистер на Македонија (ЦРМ). Профитот на прилепскиот гигант е 4,4 отсто од приходот од продажба.

Догогодишниот бренд меѓу конфекционерите „Окитекс“ од Скопје е втор на нашата ранг листа според остварени приходи од продажба. Неговите 483 вработени лани произвеле 5,14 милиони евра и од тоа како профит останале скромни 74.500 евра. Тоа е само 2,3 отсто од остварените приходи.

Штипската конфекција „Албатрос“ е трета на листата. Нејзините приходи лани биле 3,9 милиони евра, ангажирала 388 вработени, а профитот е само 78.000 евра. Добивката е само 2 отсто до вкупниот приход. 

Во конфекциите кои имаат годишен приход што надминува милион евра се уште кочанската фирма „Алма“ и штипските конфекции „Линеа“ и „Грандтекс“. „Алма“ лани ангажирала 112 вработени кои имаат вкупен приход од 3,13 милиони евра. Компанијата остварила профит од 170.000 евра. Нејзината профитна маргина е 5,4 отсто. „Линеа“ има приход од 1,83 милиони евра, а профитот изнесувал само 1 отсто. Оваа компанија лани ангажирала 290 вработени. „Грандтекс“ од Штип лани инкасирал 1,46 милиони евра. Од тоа профит останале 70.250 евра или 4,8 отсто од приходите од продажба. Оваа компанија лани ангажирала 210 вработени.

„Хатекс“ од Ресен е единствена текстилна компанија што работела со загуба. Загубата е 59.000 евра, приходите биле 932.000 евра, а компанијата ангажирала 189 вработени лица . Штипски „Астибо Бејзик“ е компанија што со своите 30 вработени лани остварил приход од 750.000 евра и добивка од 25.000 евра што е 3,3 отсто од приходите.



Р.Ф.

Можеби ќе ве интересира

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

Железницата ги издаде складиштата за дизел во Лисиче

Железницата ги издаде складиштата за дизел во Лисиче

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

Од што „Македонијатурист“ годинава ќе ги прави големите пари?

Од што „Македонијатурист“ годинава ќе ги прави големите пари?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?