Кој е новиот директор на ФИТР?
Објавено во: Македонија 17 Јануари, 2022
Во Фондот за иновации и технолошки развој денеска се изврши примопредавање помеѓу досегашниот директор Коста Петров и новоименуваниот директор Фестим Халили. На средбата, Петров го информираше Халили за тековните активности и ја презентираше усвоената годишна програма на Фондот за 2022 година.
Халили во изминатиов период беше директор на Железници Инфраструктура и Национална Радиодифузија.
Халили беше избран за вицепремиер за време на политичката криза во 2016 година, кога лидерот на ДУИ Али Ахмети одлучи сите членови на владата да ги замени со нови и млади кадри.
Роден e во Тетово во 1984 година. Работел како доцент на природноматематички факултет – отсек информатика. Докторирал 2014 година во Лондон и Тирана. Работел како ИТ експерт во повеќе институции, а добил и признание за Млад научник на годината од ФРИ 2013г.
Петров повлекувањето го најави на 23 декември, а на чело на Фондот беше околу 14 месеци.