Кој ги прави најголемите пари во Македонија?

Добивај вести на Viber

Најголемите три банки се неприкосновени на врвот на топ-листата на најдобитни компании чии акции котираат на берзата. Топ не ги бие! Од 78 компании чии акции котираат на берзата, 78 досега ги објавиле полугодишните извештаи, а 44 од нив завршиле со добивка. Само 4 компании имаат добивки поголеми од 10 милиони евра, а 11 компании имаат профит поголем од 1 милион евра

Трите најголеми банки : „Стопанска банка Скопје“, „Комерцијална банка“ и НЛБ Банка“ се неприкосновени како компании кои прават најголеми профити во конкуренција на 78 компании кои досега ги објавија нивните полугодишни финансиски резултати на интернет страницата на Македонската берза за хартии од вредност. Од тие 78 компании 46 акционерски друштва првата половина од годинава работеле со добивка, а 22 друштва книжат загуба во работењето за првото полугодие.

Од овие 46 компании кои досега ги објавиле финансиските резултати и имаат добивка само четири друштва имаат добивки поголеми од 10 милиони евра. Во таа конкуренција на трите најголеми банки друштво им прави уште Македонски Телеком. Во конкренција на 78 компании кои досега ги објавија своите финансиски резултати само 11 друштва имаат полугодишни добивки повисоки од 1 милиони евра (н.з. земени се во предвид консолидираните извештаи за друштвата кои имаат поединечни и консолидирани извештаи).