Кој ја води војната на валутите?

Добивај вести на Viber

Се наоѓаме во валутна војна во која Федералните резерви на САД е во состојба да игра уште помала улога, изјави шефот на единицата за девизни истражувања во Bank of America Merrill Lynch.

Изјавата на Европската централна банка oт минатата недела (во врска со купување на повеќе обврзници во летните месеци) е силен сигнал дека институцијата не сака еврото да се врати над 1,15 долари.

"Може да спориме дали САД ќе успеат да ја играат оваа игра ... Сега САД не можат да велат на другите да не ја играат оваа игра", коментира економистот.

Според него, со оглед на побрзата инфлација и добрите резултати на американските компании ФЕД има помала причина да се вклучи во оваа војна во моментов.

Бидејќи рокот за плаќање на долгот од Грција се приближува, нестабилноста на валутите се зголемува. Земјата мора да плати околу 300 милиони евра на Меѓународниот монетарен фонд на 5 јуни, но доверителите се загрижени за способноста на владата во Атина да ја изврши исплатата.

Ву додаде дека најновите податоци од март укажуваат на доделени 5,6 милијарди евра на грчкиот банкарски систем. Тој додаде дека тоа може да доведе до сериозен проблем на крајот на јуни.

Во меѓувреме експертот од Wells Fargo Скот Рен изјави дека нестабилноста создава "повеќе од една шанса да се купуваат акции".

"Нестабилноста се надеваме ќе доведе до повеќе можности за купувања. Дури и при најлошото сценарио за Грција, кое не мислам дека ќе се случи, тие (можностите за купувања ) ќе го надминат", рече Рен.

Според Ву во моментов најголема загриженост доаѓа од Азија, и претежно Кина. Кинескиот јуан е една од најсилните валути и изложеноста на Германија во Кина може да доведе до проблеми за еврото.

"Мислам дека еврото ќе има проблем. Германската изложеност е повеќе од онаа на САД во Кина", коментира тој.

К.К.